Tarix:05/03/13

Elektrik avtomobili üçün günəş batareyalı üzlük

Sənaye dizayneri Hakan Gürsu elektrik mühərrikiylə hərəkət edən avtomobillər üçün orijinal “yanacaqdoldurma” stansiyalarının layihəsini təklif edib.

V-Tent sistemi elektrik maşınların akkumulyatorlarının yüklənməsi üçün qurğularla təchiz edilmiş avtodayanacaqların yaradılmasını planlaşdırır. Günəş batareyalarıyla təchiz edilmiş üzlük yağıntılar və günəş şüalarının təsirini dəf edərək nəqliyyat vasitəsinin üzərini tamamilə örtəcək və enerji yaradacaq.

“ICTnews.az” elektron xəbər xidməti “ict.az” saytına istinadən bildirir ki, dizayner V-Tent sisteminin pullu olacağını bildirib: onun istifadəsi üçün elektrik avtomobilinin sahibi dayanacaq müddətini göstərməli və kredit kartının köməyi ilə lazımi məbləği ödəməlidir.

V-Tent terminallarını batareyaların yüklənmə prosesi barədə məlumatlandıran işıqlandırma ilə təchiz etmək nəzərdə tutulur. Maşın sahibi cari statusunu smartfon proqramlarının köməyilə öyrənə bilər.

Emil Hüseynov

Baxış sayı: 787

© İstifadə edilərkən İctnews-a istinad olunmalıdır