TEXNOLOJİ YENİLİKLƏR

Tarix:09/04/13

“Ultra HD” formatlı televizor

"Sony" şirkəti "NAB 2013" sərgisində "4K Ultra HD" (3840x2160) formatlı iki yeni "Bravia" televizoru təqdim edib. "XBR-55X900A" modelində ekranın diaqonalı 55 düymdən ibarətdir. Onun qiyməti təxminən 5 min dollardır. "XBR-65X900A" modelində ekranın diaqonalı 65 düymdür və onun qiyməti 7 min dollardır.

"ICTnews.az" elektron xəbər xidməti "vesti.ru" saytına istinadən bildirir ki, sözügedən qurğuların satışına aprelin 21-də start veriləcək. Televizorlar 65 Vatt gücündə daxili akustikaya, "Wi-Fi" üzrə simsiz internetə qoşulma üsuluna malikdirlər.

Çox yüksək təsvir ölçüsünə malik filmlər hələlik çox az olduğuna görə "Sony" şirkətinin yeni televizorları şəklin miqyasını böyütmək xüsusiyyətinə malikdirlər.

Baxış sayı: 744