Tarix:31/05/13

Hakerlər Belçikanın baş nazirinin elektron poçt ünvanına müdaxilə ediblər

Hakerlər Belçikanın baş naziri Elio di Ruponun elektron poçt ünvanına müdaxilə ediblər və onun yazışmasını ələ keçirərək KİV-ə göndəriblər. "De Morgen" daxil olmaqla bir sıra qəzetlərə poçtla tərkibi Elio di Ruponun 2004-2008-ci illərə aid bir neçə yüz məktubdan ibarət "CD" disklər göndərilib.

Sözügedən dövrdə o, hələ Belçikanın baş naziri vəzifəsində işləmirdi. "Bu, fərdi informasiyanın oğurlanmasıdır. Kim edə bilər - sualına cavabım yoxdur" – baş nazir deyib. O, həmçinin bu hadisədən dərs aldığını bildirib.

"ICTnews.az" elektron xəbər xidməti "itar-tass.com" saytına istinadən bildirir ki, baş nazirin yazışmasını almış nəşrlərə gəlincə isə onlar bu fakt haqqında məlumat verərək onu dərc etməyiblər.

Emil Hüseynov

Baxış sayı: 659

© İstifadə edilərkən İctnews-a istinad olunmalıdır