Tarix:18/06/13

Çində dünyanın ən güclü superkompüteri yaradılıb

Çinin "Tyan'e-2" adlanan ən yeni superkompüteri 3,1 milyon hesablama nüvəsindən ibarətdir. Çin istehsalçıları son iki il ərzində dünyanın 500 ən güclü superkompüteri siyahısında artıq iki dəfə lider olmağa müvəffəq olublar.

Sözügedən siyahı hər altı aydan bir yenilənir və hazırda reytinqin yay nəşri işıq üzü görüb və "Tyan'e-2" superkompüteri birinci yerdə qərarlaşıb. "ICTnews.az" elektron xəbər xidməti "cybersecurity.ru" saytına istinadən bildirir ki, sözügedən superkompüter saniyədə 33 kvadrillion əməliyyat yerinə yetirir ki, bu da "Tyan'e-1"-dən 15 dəfə çoxdur.

"International Supercomputing Conference" illik konfransı çərçivəsində deyilib ki, yeni superkompüter Çinin Milli Müdafiə Texnologiyaları Universitetində yerləşir və yaxın vaxtlarda onda güclü partlayışlar və iqlim dəyişikliyinin proqnozlaşdırılması ilə bağlı sınaqlar keçiriləcək.

Yeni superkompüterin gücü 33,86 təşkil edir petaflop/san təşkil edir. Onun məhsuldarlığı ABŞ-ın Energetika Nazirliyinin nəzdində fəaliyyət göstərən Okric laboratoriyasında quraşdırılmış "Cray XK7 Titan" kompüterinin məhsuldarlığını iki dəfə ötür. Sonuncunun məhsuldarlığı 17,17 petaflop/san təşkil edir.

Emil Hüseynov

Baxış sayı: 713

© İstifadə edilərkən İctnews-a istinad olunmalıdır