TEXNOLOJİ YENİLİKLƏR

Tarix:25/06/13

“Samsung” şirkəti “Galaxy Tab 3”-ün qiymətini açıqlayıb

"Samsung" şirkəti yeni "Galaxy Tab 3" smartfonlarının üç versiyasında mövcud olacağını bildirib.
"ICTnews" xəbər xidmətinin "www.cybersecurity.ru" saytına istinadən verdiyi məlumata əsasən, "Samsung" hələ ki, "Galaxy Tab 3" smartfonunun təkcə Amerika qiymətlərini açıqlayıb. Yeni 7 düymlük planşetlərin qiyməti 199 dollar, 8 düymlük planşetlər 299 dollar, 10,1 düymlük planşetlər isə 399 dollardır.

Planşetin 7 düymlük versiyası 1,2 hiqaherzlik prosessora, 8Gb daxili məkana, "Android 4.1 Jelly Bean" əməliyyat sisteminə və 1024x600 piksel ölçüyə malik olan TFT-displeyə malikdir. Planşetin 8 düymlük versiyası daha da yaxşılaşdırılmış xüsusiyyətlərə - 1,5 hiqaherzlik ikinüvəli çipə, 1,5Gb əməliyyat yaddaşına və 1280x800 ölçülü TFT-displeyə, "Android 4.2" və 16 Gb daxili yaddaşa malikdir.
Öz növbəsində 10,1 düymlük model, demək olar ki, 8 düymlük modellə eyni xüsusiyyətlərə malikdir, lakin ikinüvəli "Intel Atom Z2560" prosessor əsasında işləyir.

Qurğunu daha çox fərqləndirmək üçün "Samsung" hər planşetə müxtəlif əlavələr yığımı, kontent və "Galaxy Perks" yaratmağı təklif edib, həmçinin "Google Play"də alış-veriş üçün 10 dollarlıq vauçerlər. İstifadəçilər eyni zamanda "Boingo" hot-spotları ilə bir il pulsuz işləmək imkanı, üç ay "Hulu Plus" və iki il 5- qiqabaytlıq "Dropbox" əldə ediblər.

Hər üç planşet təkcə "WiFi" dəstəkləyir və iyulun 7-dən etibarən təqdim ediləcəklər.

Aynur Vəliyeva

Baxış sayı: 838