12px13px15px17px
Tarix:06/07/13

"Huawei" dünyanın ən nazik smartfonunun satışlarına başlayıb

Böyük Britaniyada "Ascend P6" smartfonunun satışlarına başlanılıb. Dumanlı Albionda operatora "bağlanmamış" aparatın qiyməti 450-500 dollar olacaq, müqavilə ilə isə ayda 30 dollar təşkil edəcək.

Avstraliyada cihaz ayın ortalarında satışa çıxarılacaq və burada qiymətlər ənənəvi olaraq yuxarıdır: "Ascend P6" smartfonu xidmət şərtlərindən asılı olaraq 500-570 dollar təşkil edəcək.

"ICTnews.az" elektron xəbər xidməti "tech.onliner.by" saytına istinadən bildirir ki, yaxın vaxtlarda "Huawei" şirkətinin smartfonunun başqa regionlarda da satışa çıxarılacağı gözlənilir.

Xatırladaq ki, "Ascend P6" smartfonu 1,5 QHs takt tezlikli dördnüvəli prosessor, 4,7 düymlük HD təsvir ölçülü ekran və 2000 milliamper/saat tutumlu batareya, 8 meqapiksellik əsas və 5 meqapiksellik ön kameralar, 2 QB əməli yaddaşla təchiz edilib. Əməliyyat sistemi qismində "Huawei Emotion UI" örtüyünə malik "Android 4.2.2" quraşdırılıb.

Emil Hüseynov

 
 



Baxış sayı: 3041

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024