12px13px15px17px
Tarix:09/08/11

“3D” televizor istehsalçıları universal eynək yaradırlar

Dünyanın aparıcı televizor istehsalçıları üçölçülü televizorlar üçün stereoskopik eynəklə bağlı vahid standart yaratmaq niyyətindədirlər. Bu gün “Panasonic”, “Samsung”, “Sony” və “XpanD” şirkətləri “Full HD 3D Glasses İnitiative”-i elan edib. Qeyd edək ki, “3D” televizor istehsalçılarının eynəkləri arasında uyğunluq yoxdur. Buna görə də hər hansı bir marka televizorunun alıcıları eyni şirkətin üçölçülü eynəyini də almağa məcburdur. Məlumat üçün qeyd edək ki, son il ərzində üçölçülü eynəklə bağlı vahid standartın yaradılmasına çağırış bütün istehlakçılar tərəfindən dəstəklənir. Standartlaşdırma texnologiyasının ilk tərəfdarlarından biri “3D” televizorlarının müxtəlif modellərinin istehsalçıları üçün üçölçülü eynək istehsal edən “XpanD” şirkəti çıxış edib.
Cari ilin mart ayında “XpanD” şirkəti artıq “Panasonic” ilə razılaşma imzalayıb. Razılaşmanın şərtlərinə görə, şirkətlər eynək və televizorlar üçün infra-qırmızı sistemləri standartlaşdırırlar. Həmçinin, şirkətlər bir sıra texniki protokolların unifikasiyası haqqında razılaşıblar. İstehsalçılar bildiriblər ki, bazara ilk universal eynək 2012-ci ildə çıxarılmalıdır.


cybersecurity.ru



Baxış sayı: 1358

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024