TEXNOLOJİ YENİLİKLƏR

Tarix:13/08/13

Maneələrə davamlı “GPS” sistemi sınaqdan keçirilib

ABŞ hərbçiləri maneələrə davamlı peyk naviqasiya sisteminin (GPS) sınaqlarının uğurlu keçirilməsini bəyan ediblər. Yeni antenalardan istifadə sayəsində konstruktorlar "GPS" peyklərindən hətta şüalandırmanın yönəldiyi fəal maneələrin yaradılması şəraitində siqnal qəbul etməyə nail olublar.

Sınaqlar ABŞ Hərbi Dəniz Qüvvələrinin Merilend şəhərində yerləşən aviasiya stansiyasında baş tutub. Sınaqlar zamanı eksperimental xarakterli pilotsuz uçan aparata yeni növ antenalar quraşdırıldıqdan sonra xüsusi laboratoriyaya yerləşdirilib. Maneələr üçün imitasiya qismində xüsusi radioötürücülərdən istifadə olunub, aparatın qoyulduğu yerin divarları isə əvvəlcədən radiodalğaları qəbul edə bilən materialla örtülüb. Belə laboratoriya tədqiqatçılara aparatı itirmək riski və minimal kənar amillərin müdaxiləsi olmadan çoxlu sayda müxtəlif vəziyyətləri modelləşdirməyə imkan verib.

Sınaqlar təsdiq edib ki, xüsusi antenalar sayəsində maneə generatorlarının təsirini neytrallaşdırmaq mümkündür. Maneələrin xarakteri (sulanma spektri və gücü) barəsində ətraflı məlumat verilmir.

Qeyd edək ki, ABŞ Hərbi Dəniz Qüvvələrinin Pataksen çayının kənarında yerləşən kompleksi radiotexniki tədqiqatların aparılması, hava nəqliyyatı dispetçerlərinin hazırlanması üçün istifadə edilməklə yanaşı, ABŞ-ın şərq sahilində uzunluğu 4 kilometrdən çox olan ən böyük uçuş-enmə zolağına malikdir, - "Lenta www.lenta.ru" yazır.

Baxış sayı: 692