TEXNOLOJİ YENİLİKLƏR

Tarix:14/08/13

41 meqapiksellik kamera ilə təchiz edilmiş “ağıllı” saat təqdim edilib

Çox tezliklə İsveçrənin "Hyetis Crossbow" "ağıllı" saatlarına ilkin sifarişlərin qəbuluna başlanılacaq. Sözügedən saatlar məhdud sayda (500 nüsxə) istehsal ediləcək.

"ICTnews.az" elektron xəbər xidməti "3dnews.ru" saytına istinadən bildirir ki, yeni qurğunun əsas özəlliklərindən biri 41 meqapiksellik matris, "Zeiss" optikası, işıqlandırıcı ilə təchiz edilmiş yüksək keyfiyyətli daxili kamera olacaq. Aparatın sahibləri fotoşəkil və videoçarxlar çəkə biləcəklər.

Saat rəngli sensor ekranla təchiz ediləcək və onun üzərində saat mexanizmi ilə hərəkətə gətirilən oxlar öz yerini dəyişəcək. Ona görə də akkumulyator enerji ilə tam doldurulduqda istifadəçi dəqiq vaxtı öyrənə bilər.
"Hyetis Crossbow" "ağıllı" saatları, həmçinin "Wi-Fi" və "Bluetooth" simsiz rabitə adapterləri, "NFC" mikroçipi və "GPS" naviqasiya sistemi qəbuledicisi ilə təchiz olunub. Prosessorun tipi və yaddaşın həcmi açıqlanmayıb.
Sözügedən "ağıllı" saatın qiyməti 1200 dollar təşkil edəcək.

Emil Hüseynov

Baxış sayı: 765