Tarix:19/09/13

“BlackBerry” şirkəti “Z30” smartfonunu təqdim edib

Kanadanın "BlackBerry" şirkəti "BlackBerry 10.2" əməliyyat sistemi ilə işləyən yeni "Z-30" modelini təqdim edib. Sözügedən cihaz Kuala-Lumpurda nümayiş etdirilib.

"ICTnews.az" elektron xəbər xidməti "itar-tass.com" saytına istinadən bildirir ki,  şirkətin vitse-prezidentlərindən biri Karlo Çiarello deyib ki, bu model "BlackBerry"nin bütün smartfonları arasında ölçüsünə görə ən böyük, sürətli və funksional imkanlarına görə ən qabaqcıl nümunəsidir.

"Z-30" smartfonu 12,7 santimetr diaqonallı sensor ekran və 1.7 QHs takt tezlikli prosessorla təchiz edilib. Avtonom iş vaxtı 25 saat təşkil edir.

Gələn həftə Böyük Britaniya və Yaxın Şərqdə, ilin sonunadək başqa regionlarda "Z-30" smartfonunun satışlarına başlanılacaq.

Smartfonun qiyməti hələ açıqlanmayıb.

Emil Hüseynov

Baxış sayı: 764

© İstifadə edilərkən İctnews-a istinad olunmalıdır