12px13px15px17px
Tarix:01/11/13

“Google” şirkəti yeni “Nexus 5” smartfonunu satışa buraxıb

ABŞ-ın “Google” şirkəti dünən yeni “Nexus 5” smartfonunun satışlarına başlayıb. Korporasiya yenilənmiş qurğunun köməyi ilə ilk növbədə Çin və Yaponiya bazarlarında “Apple” şirkəti ilə rəqabət aparmaq niyyətindədir.

“ICTnews” elektron xəbər xidməti “itar-tass.com” saytına istinadən bildirir ki, sözügedən smartfon ABŞ, Kanada, Avstraliya, Çin, Yaponiya və Qərbi Avropa ölkələri daxil olmaqla 10 ölkədə satışa çıxarılacaq. O, daha nazik və yüngül olub, 4,95 düym diaqonallı ekranla təchiz edilib.

Telefon “Qualcomm Snapdragon 800” prosessoru, 8 meqapiksellik kamera, 16 və 32 QB yaddaşla təchiz edilib. “Nexus 5” smartfonu LTE şəbəkələrini dəstəkləyir və “Android 4.4 KitKat” platformasında işləyir.
Qurğu ağ və qara rəngli korpuslarda tədarük olunur.

Standart modelin qiyməti 349 dollar təşkil edir.

"İnanılmaz qiymətə yüksək texnologiyalı smartfon təqdim edilib" –  “Google” şirkətində “Android” bölməsinin direktoru Sundar Piçai deyib. Onun sözlərinə görə, 2014-cü ildə şirkətin məqsədi sözügedən platformanın 1 milyard qurğuda aktivləşdirilməsidir.

Emil Hüseynov



Baxış sayı: 741

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024