TEXNOLOJİ YENİLİKLƏR

Tarix:04/12/13

Mühafizəçi robot təqdim olunub

Əfsanəvi "Ulduz müharibələri" fantastik filminin pərəstişkarları “Nightscope” şirkəti alimlərinin hazırlamasını yəqin qiymətləndirəcəklər. Şirkət kütlənin qarşısına ən yeni hazırlaması – görünüşcə məşhur astromexaniki “R2-D2” droidinə oxşar mühafizəçi robotu çıxartmağa hazırlaşır.

“ICTnews” elektron xəbər xidməti “itar-tass.com” saytına istinadən bildirir ki, mühafizəçi robotun hündürlüyü 1,5 metrdir, o, videokamera, teplovizor, lazer məsafəölçəni, radar, havanın keyfiyyətinin ölçülməsi cihazı və mikrofonla təchiz edilib. Robotun avtonom istifadə imkanı onun özəlliyidir. Bundan başqa, o, ölçüləri öncədən operator tərəfindən təyin edilmiş sahədə öz vəzifələrini icra edə bilər.

Yaxın gələcəkdə istehsalçılar bu droidi sensorların köməyi ilə şəxsləri tanımaq və onun silahlanması imkanını qiymətləndirmək qabiliyyəti ilə təchiz etməyi planlaşdırırlar. "Biz Sendi huk məktəbində faciəli hadisədən sonra bu layihənin üzərində işə başladıq – “Nightscope” şirkətinin icraçı direktoru Uilyam Li “New York Times” qəzetinin jurnalistlərinə deyib. Axı bütün məktəbləri silahlı polislə təmin etmək mümkün deyil".
İstehsalçıların hesablamalarına görə, məktəb idarələrinə sözügedən mühafizəçi robotların xidmətləri gözətçi tutmaqdan daha ucuz başa gəlir: droid üçün saatda 6,25, keşikçi üçün 8 dollar lazımdır.

Emil Hüseynov

Baxış sayı: 771