12px13px15px17px
Tarix:13/12/13

Yaponiya ilə İKT üzrə əməkdaşlıq ölkəmizdə sahənin daha sürətli inkişafına təkan verəcək

Yaponiya Xarici İşlər Nazirliyinin dəvəti ilə Azərbaycan Respublikasının Rabitə və informasiya texnologiyaları naziri, akademik Əli Abbasovun rəhbərlik etdiyi nümayəndə heyəti bu gündoğar ölkədə rəsmi səfərdə olub. Səfərin məqsədi iki ölkə arasında informasiya-kommunikasiya texnologiyaları (İKT) sahəsində əlaqələrin daha da genişləndirilməsi idi.


Nümayəndə heyətinin tərkibinə nazirliyin əməkdaşları ilə yanaşı, hökumət nümayəndələri, İKT sahəsində çalışan şirkətlərin təmsilçiləri daxil idi. Azərbaycanın Yaponiyadakı səfiri Gürsel İsmayılzadə səfər proqramında iştirak edib.


Beş gün davam etmiş səfər çərçivəsində Yaponiyanın iqtisadiyyat, ticarət və sənaye üzrə dövlət naziri, təhsil, mədəniyyət, idman, elm və texnologiya naziri, daxili işlər və rabitə üzrə dövlət katibi ilə görüşlər keçirilmiş, Azərbaycan-Yaponiya İKT əməkdaşlığı, xüsusilə İT park, telekommunikasiya və kosmik sənaye sahəsində əməkdaşlıq məsələləri müzakirə olunub. Danışıqlar zamanı iki dost ölkə arasında bu sahədə müqavilə-hüquq bazasının inkişafı haqqında tərəflər müsbət mövqe nümayiş etdiriblər.


Eyni zamanda, nümayəndələr Yaponiya Aerokosmik Tədqiqatlar Agentliyinin, Yüksək Texnologiyalar Mərkəzinin (TEPIA), Radio-televiziya Yayım Korporasiyasının (NHK) fəaliyyəti ilə də tanış olublar.


İKT və elektronika sahəsində avadanlığın istehsalı ilə məşğul olan "Mitsubishi", "NEC", "Panasonic" kimi tanınmış şirkətlərdə keçirilən görüşlərdə istehsal prosesləri müşahidə olunan, qonaqlara son layihələr barədə ətraflı məlumat verilib. Həmin görüşlərdə əməkdaşlığın perspektivləri ətrafında geniş fikir mübadiləsi aparılıb.
Səfərin yekunlarını yüksək qiymətləndirən nazir Əli Abbasov "AzərTAc"-ın Yaponiyadakı xüsusi müxbirinə bildirib ki, Azərbaycanda texnoloji yönümlü, innovativ tutumlu iqtisadiyyatın inkişafı üçün bu sahədə aparıcı ölkə olan Yaponiya ilə əməkdaşlığa xüsusi əhəmiyyət verilir.
 
"Səfər çərçivəsində keçirilmiş görüşlərdə Yaponiya rəhbərliyinin də Azərbaycan ilə əlaqələrə yüksək qiymət verdiyini hiss etdik. Səfərimizin əsas məqsədi məhz bu istiqamətdə Yaponiya ilə əməkdaşlığın əsas prinsiplərini müzakirə etmək idi. Biz Azərbaycan hökumətinin, şəxsən Prezident İlham Əliyevin texnoloji tərəqqi üçün çox vacib olan insan resurslarının inkişafı, həmçinin uyğun biznes mühitinin yaradılması və Azərbaycan şirkətlərinin ölkənin maliyyə resurslarına çıxışlarının yüngülləşdirilməsi istiqamətində aparılan siyasətinin əsas istiqamətlərini yapon tərəfinə çatdırdıq. Bu, Yaponiya hökumətinin müvafiq strukturları tərəfindən çox yüksək qiymətləndirildi.
İkinci əsas məqsədimiz Yaponiyanın qabaqcıl texnoloji şirkətləri ilə bir sıra müzakirələr aparmaq idi. Yapon tərəfinin əsas marağı Azərbaycanda kosmik proqramın həyata keçirilməsi ilə əlaqədar olan müvafiq layihələr, həmçinin də elektron və informasiya xidmətlərinin təşkil olunması idi. Aparılmış müzakirələrdə biz yapon aparıcı şirkətlərinin, investorlarının diqqətini Azərbaycanda reallaşdırılan layihələrə cəlb edə bildik.
Danışıqlarda üçüncü əsas məqam, Yaponiyanın aparıcı şirkətləri və Azərbaycanın lokal İT texnoloji şirkətlərinin birgə əməkdaşlığı ilə şirkətlərimizin xarici bazarlarda iştirakının genişləndirilməsi, həmçinin Azərbaycanın texnoloji ixrac potensialının gücləndirilməsi üçün məhsul və xidmətlərin istehsalında onların birgə əməkdaşlığı məsələsi idi. Bu istiqamətdə əldə edilmiş razılaşmalar gələcək əməkdaşlıq üçün çox yaxşı bünövrə olacaqdır".


Azərbaycan nümayəndə heyətinin səfəri Yaponiya KİV-ləri tərəfindən maraqla qarşılanmış, "İbaraki Shimbun", "Sankey Shimbun" və "Nikkey Shimbun" qəzetlərində səfər haqqında məlumatlara, nümayəndə heyətinin rəhbəri nazir Əli Abbasovun müsahibələrinə geniş yer verilib.
 




Baxış sayı: 870

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






21 İyun 2018

21/06/18
Çində gecəgörmə xüsusiyyətinə malik fotoelektron çip hazırlanıb

Yunan universiteti nəzdində fəaliyyət göstərən optik-elektron texnologiyalar üzrə tədqiqat mərkəzi tərəfindən 

21/06/18
Brayl displeyləri üçün standart yaradılıb

“USB” texnologiyasının inkişafı və tanıdılması ilə məşğul olan “USB-IF” təşkilatı zəif görən və gözdən 

21/06/18
“Instagram” servisinin auditoriyası 1 milyarda çatıb

Foto və videoların mübadiləsi üçün “Instagram” xidmətinin istifadəçilərinin sayı  1 milyard olub. Bu haq

20 06 2018

20/06/18
2019-cu ildə internet televiziya üzərində tamamilə qalib gələcək

Onilliklər boyunca əsas məlumat daşıyıcısı olan televiziya tezliklə liderliyini tamamilə itirəcək. Statistikaya 

20/06/18
Azərbaycan nümayəndə heyəti “Rəqəmli Bacarıqlar Şəbəkəsi”nin iclasında iştirak edib

Avropa Birliyinin “Şərq Tərəfdaşlığı” təşəbbüsü çərçivəsində təşkil edilmiş “Rəqəmli Bacarıqlar 

20/06/18
Robot beyin dalğaları vasitəsilə idarə ediləcək

Massaçusets Texnologiya İnstitutunun süni intellekt laboratoriyasının mütəxəssisləri robota beyin 

20/06/18
Süni intellekt radiojurnalistin danışma qabiliyyətini bərpa edib

İki il əvvəl danışma qabiliyyətini itirən amerikalı jurnalist süni intellekt sayəsində onu bərpa etməyə nail 

20/06/18
Pekin metropolitenində sərnişinlərin biometrik eyniləşdirilməsi sistemlərindən istifadə ediləcək

Cari ilin sonunadək Pekin Metropoliteninin administrasiyası günün pik saatlarında stansiyalarda sərnişin 

20/06/18
Kibercasusluq üçün istifadə edilən virus aşkarlanıb

“ESET” antivirus şirkəti kibercasusluq üçün istifadə edilən “InvisiMole” adlı zərərli proqram aşkarlayıb

20/06/18
Ölüm vaxtını proqnozlaşdıran neyron şəbəkəsi hazırlanıb

“Google” şirkəti tərəfindən dərin təlim alqoritmləri əsasında hazırlanmış yeni neyron şəbəkəsi pasiyentin 

20/06/18
Debatlarda insandan üstün olan süni intellekt təqdim edilib

Son 20 ildə kompüterlər şahmat, viktorina və hətta qo oyununda insanları üstələməyə müvəffəq olub. 

20/06/18
Dünya mobil trafikinin 20 faizi “5G” şəbəkəsinin payına düşəcək

“Ericsson” şirkəti 2023-cü ilədək dünya mobil trafikinin 20 faizinin beşinci nəsil mobil rabitə şəbəkəsinin