12px13px15px17px
Tarix:17/12/13

Dünyanın ən ucuz planşetinin satışlarına başlanılıb

Böyük Britaniyanın ucuz planşet istehsalçısı "Datawind" şirkəti  Böyük Britaniyada "UbiSlate 7Ci" planşet kompüterinin satışlarına başlayıb. İstehsalçının iddiasına görə, bu, dünyanın ən ucuz planşetidir. Onun qiyməti 29,99 funt-sterlinqdir.

"ICTnews" elektron xəbər xidməti "cnews.ru" saytına istinadən bildirir ki, qurğu 800x480 piksel təsvir ölçülü 7 düymlük ekran, "Cortex-A8" nüvəli prosessor, 1 QHs takt tezlikli prosessor, 512 MB əməli yaddaş və 4 QB daxili yaddaş (microSD yaddaş kartlarından istifadə mümkündür), "Wi-Fi", Mini-USB ilə təchiz edilib və qulaqlıqların qoşulması üçün standart konnektor dəstəyi var.

"UbiSlate 7Ci"  planşeti "Android 4.0.3 Ice Cream Sandwich" əməliyyat sistemi ilə işləyir. Qurğudan, həmçinin səs çağırışları üçün istifadə etmək olar.

O, Hindistan hökumətinin sifarişi üzrə hazırlanıb və ilk növbədə  Hindistan ali məktəblərinin tələbələri üçün nəzərdə tutulub.

Emil Hüseynov



Baxış sayı: 1198

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024