İKT

Tarix:03/06/11

“Apple” iCloud musiqi xidmətini işə salır

“Apple” şirkəti Universal Music səsyazma şirkətindən iCloud bulud xidmətinin işə salınmasına razılıq alıb. Xidmət istifadəçilərə serverdə öz musiqi kolleksiyasını saxlamağa icazə verəcək. Treklərə (musiqilərə) giriş iOS əməliyyat sistemi ilə kompyuterdən və ya mobil qurğudan mümkün olacaq.
Sazişin təfərrüatları haqqında məlumat verilmir. Məlumata görə, Stiv Cobsun şirkəti, həmçinin, bir neçə musiqi nəşriyyatı ilə müqavilələr bağlayıb.
Güman edirlər ki, iCloud xidmətinin istifadəsinə görə pul alınacaq, amma hələ qiyməti dəqiqləşməyib.
Xatırladaq ki, daha əvvəl istifadəyə verilmiş Google və Amazon bulud musiqi xidmətləri pulsuzdur.
CNET News mənbələri, həmçinin, iCloud xidməti gəlirlərinin necə bölünəcəyi haqqında da bildiriblər. Gəlirin 58%-ni Universal Music, EMI, Sony Music Entertainment və Warner Music Group, 12%-ni nəşriyyat alacaq. “Apple” isə gəlirin 30%-ni özünə götürəcək.
Məlumat üçün bildirək ki,”Apple” ICloud xidmətini bazar ertəsi, 6 iyunda San-Fransiskoda keçiriləcək WWDC konfransında təqdim edəcək.

Baxış sayı: 8620