12px13px15px17px
Tarix:28/12/13

Enerjiyə qənaətlə bağlı yeni nəticələr əldə edilib

AMEA Radiasiya Problemləri İnstitutu enerjiyə qənaət edən və tullantı qazlarını azaldan yeni enerji mənbələrinin tətbiqinə imkan verən araşdırmalar istiqamətində mühüm nəticələr əldə edib.
 
Tədqiqatlar “Enerjiqənaətedici radiasiya prosesləri” laboratoriyasının müdiri, kimya elmləri doktoru, professor İslam Mustafayevin rəhbərliyi ilə Azərbaycan Dövlət Neft Şirkəti tərəfindən qrant almış “Neft kəmərləri obyektlərində enerji effektivliyinin qiymətləndirilməsi və onun yüksəldilməsi üçün alternativ enerji mənbələrinin tətbiqi imkanlarının araşdırılması” layihəsi çərçivəsində aparılır.
 
Azərbaycan Milli Elmlər Akademiyası Radiasiya Problemləri İnstitutundan bildirilib ki, müddəti 18 ay olan layihənin məqsədi neft kəmərləri obyektlərində enerji effektivliyinin artırılması və enerjidən qənaətlə istifadədir.
 
Dəyəri 60 min manat olan layihənin reallaşdırılması və təcrübə mübadiləsi aparmaq üçün İ.Mustafayev 2014-cü ilin yayında Amerika Birləşmiş Ştatlarına ezam ediləcək. Səfər zamanı professor Texasın Austin şəhərində Enerji Tədqiqatları İnstitutu və Floridanın Mayami şəhərində Təmiz Enerjilər İnstitutunda olacaq.
 
Layihə nəticəsində neft kəmərləri obyektlərində atmosferə təsir etmədən və üzvi yanacağa ehtiyac olmadan günəş çeviricilərindən istifadə edilməsi üzrə elmi əsaslandırılmış tövsiyələr hazırlanacaq.
 
 
Həqiqət İSABALAYEVA



Baxış sayı: 731

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






30 Mart 2024

29 03 2024