Tarix:16/08/11

Üçölçülü məzmuna baxmaq üçün yeni eynək yaradılıb

“Vuzix” şirkəti standart ikiölçülü və üçölçülü məzmuna baxmaq üçün nəzərdə tutulmuş “Wrap 1200” eynəyini yaradıb.
Yenilik 16 milyon rəng çaları əks etdirən 852×480 piksel kəskinlikli ekranlarla təchiz edilib. Ekranda 3 metr məsafədən 75 düymlü televizorda şəklə baxmaq üçün ekvivalent olan təsvir formalaşır. Yeniləmə tezliyi 60 Hz-ə bərabərdir. “NTSC” və “PAL” sistemləri dəstəklənir. “Vuzix” şirkəti, həmçinin “DVİ”, “D-Sub” konnektorlarına və “USB 2.0” portuna malik “Wrap 1200VR” adlı eynək də təklif edəcək.
Tənzimləmə sistemi parlaqlığı, ziddiyyəti sazlamağa imkan verir. Enerji təchizatı akkumulyator batareyası ilə həyata keçirilir; eynəyin çəkisi təxminən 85 qramdır.
Yeniliyin qiyməti 500 dollardır.

Baxış sayı: 4139

© İstifadə edilərkən İctnews-a istinad olunmalıdır