12px13px15px17px
Tarix:28/02/14

Yaponiyada meşəqıran robot yaradılıb

Yaponiyanın “Marutomi Seiko” şirkətinin və Qrifu Universitetinin mütəxəssisləri əsas vəzifəsi ağacın gövdəsi ilə hərəkət etmək və qol-budaqları kəsməkdən ibarət olan robot-meşəqıran yaradıblar.

Mütəxəssislərin sözlərinə görə, robot enerjiyə qənaətcil zəncirli mişarla təchiz edilib və onu ağacın quruluşuna uyğun quraşdırmaq mümkündür. Aparatın meşəqıran insanlara qol-budaqların kəsilməsi kimi təhlükəli işdə yardımçı olacağı gözlənilir.    

Çəkisi 13 kq təşkil edən robot-meşəqıran diametri 6-25 sm olan ağacların gövdəsi üzrə yuxarı və aşağı hərəkət edə bilir. Gövdə üzrə hərəkət sürəti dəqiqədə 25 santimetrə bərabərdir. Robotun özəlliyi ondan ibarətdir ki, qol-budaqlar kəsilən zaman o, gövdə üzrə yerdəyişmə ötürücüsündən istifadə etmir, çəkisinin ağırlığı ilə özünü saxlayır. Kəsilən qol-budaqların diametri beş santimetri ötməməlidir.

Robot-meşəqıran artıq otaqda düz taxta dirəkdə və meşədə düz gövdəli ağaclarda sınaqdan keçirilib. Robot haqqında ətraflı məlumat hələ ki verilmir. Aparat ilk dəfə 2013-cü ildə “IEEE ICMA” beynəlxalq sərgisində təqdim olunub, - "Lenta www.lenta.ru” yazır.



Baxış sayı: 877

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024