TEXNOLOJİ YENİLİKLƏR

Tarix:25/04/14

Bitkoinlərlə ödəniş etmək üçün simsiz qolbaq hazırlanıb

Cihazların hazırlanması ilə məşğul olan "MEVY" şirkətinin nümayiş etdirdiyi qolbaq prototipinin köməyi ilə ödəniş etmək mümkün olacaq. Daşınan pul cüzdanının köməyi ilə bitkoinlərlə ödəniş etmək mümkün olacaq.

İstehsalçı bildirib ki, yeni cihaz mikroödənişlər üçün nəzərdə tutulub. Hazırda qolbağın köməyi ilə ödənilə bilən maksimal əməliyyat məbləği 20 dollar təşkil edir.

"ICTnews" elektron xəbər xidməti "hi-news.ru" saytına istinadən bildirir ki, daşınan qolbaq "Bluetooth Low Energy" interfeysi ilə ödəniş yerində yerləşdirilmiş qurğuya qoşulur. Hazırda bitkoinlərlə ödənişi yalnız texnoloji cəhətdən ən inkişaf etmiş yerlərdə etmək olar. Bundan başqa, "Apple" şirkəti bitkoinlərlə işləyən bütün tətbiqləri "AppStore" onlayn mağazasından silir.

Bəzi məlumatlara görə, hazırda bitkoin hesaba malik təxminən 1 milyon insan var.

Emil Hüseynov

Baxış sayı: 667