Tarix:01/07/14

“Samsung” şirkəti “Galaxy” xəttinə yeni modellər əlavə edib

"Samsung" şirkəti "Android" platforması ilə işləyən "Galaxy" smartfonlar xəttinə dörd yeni model (Galaxy Core II, Galaxy Star 2, Galaxy Ace 4 və Galaxy Young 2) əlavə edib. Aparatların hər birinə  "Android" mobil əməliyyat sisteminin "KitKat" versiyası quraşdırılıb.

"ICTnews" elektron xəbər xidməti "hitech.vesti.ru" saytına istinadən bildirir ki, "Galaxy Core II" smartfonu 4,5 düymlük "WVGA" ekranı, 1.2 QHs takt tezlikli ikinüvəli prosessor, 2000 milliamper/saat tutumlu batareya ilə təchiz edilib.

Əməli yaddaşın həcmi 768 MB, daxili yaddaş isə 4 QB təşkil edir. İki SİM kart dəstəkləyən smartfon, həmçinin 5 meqapiksellik kamera və işıq diodu işıqlandırıcısı ilə təchiz edilib.

"Galaxy Ace 4" smartfonu 4 MP-lik ekranla təchiz olunub.

Modeldən asılı olaraq, smartfon 1-1.2 QHs takt tezlikli ikinüvəli çip və 1500 və ya 1800 milliamper/saat tutumunda akkumulyator, 1 QB əməli yaddaş və 4 QB daxili yaddaşla təchiz edilib. "MicroSD" kartlar üçün slot yoxdur.

"Galaxy Young 2" smartfonu yığcamdır, 3,5 düymlük HGVA təsvir ölçülü ekranlı, 1 QHs takt tezlikli birnüvəli çip (1 QHs) və 1300 milliamper/saat tutumlu batareyaya malik çox sadə modeldir. Əməli yaddaşın həcmi 512 MB, arxa kameranın təsvir ölçüsü 3 meqapiksel təşkil edir.

"Galaxy Star 2" modelinin xarakteristikası "Galaxy Young 2" smartfonu ilə, demək olar ki, eynidir. Yalnız  əsas kameranın təsvir ölçüsü 2 meqapikseldir.

Emil Hüseynov

Baxış sayı: 704

© İstifadə edilərkən İctnews-a istinad olunmalıdır