Tarix:07/07/14

“Vertu” yaxın 5 ildə “Bentley” brendinə məxsus smartfonlar buraxacaq

Britaniyanın “Vertu” telefon istehsalçısı İtaliyanın “Ferrari” şirkəti ilə 7 illik əməkdaşlığına son verib və yaxın 5 ildə “Bentley” brendinə məxsus smartfonlar buraxacaq. “Vertu for Bentley” adlı birinci qurğu oktyabrda istifadəçilərin ixtiyarına veriləcək.
 
“ICTnews" elektron xəbər xidməti “itar-tass.com” saytına istinadən bildirir ki, əməkdaşlıq (kommersiya şərtləri gizli saxlanılır) çərçivəsində şirkət “Vertu for Bentley” smartfonunun beş modelini nümayiş etdirəcək. İlk qurğu oktyabrda istifadəçilərə təqdim ediləcək qiyməti  12 min  avrodan çox olacaq. Smartfonlar məhdud sayda buraxılacaq.
 
"Bu, ilk belə hadisədir ki, biz mobil qurğu istehsalçısı ilə saziş bağlayırıq" – “Bentley”nin nümayəndəsi Culiya Marossi deyib. Qurğu sahibləri üçün mobil tətbiq (məsələn, avtomobil səyahəti üçün tövsiyələr) vasitəsilə eksklüziv məzmun əlçatan olacaq.
 
Emil Hüseynov
 

Baxış sayı: 606

© İstifadə edilərkən İctnews-a istinad olunmalıdır