Tarix:25/08/14

“Google”un modulyar smartfonu Çin prosessoru ilə təchiz ediləcək

“Google”un “Project Ara” modulyar smartfon prototiplərinin üçüncü nəsli xüsusi hazırlanmış prosessorlarla təchiz ediləcək. “Ara” komandası Çinin “Rockchip” şirkətini özünə tərəfdaş seçib.
 
“ICTnews" elektron xəbər xidməti “hitech.vesti.ru” saytına istinadən bildirir ki, “Rockchip” şirkətinin yarımkeçiricilərin istehsalı üçün öz fabriki yoxdur, ancaq artıq təxminən on il multimedia qurğuları, son illərdə isə planşet və smartfonlar üçün çip hazırlamaqla məşğuldur. Şirkətin əksər çiplərində “ARM” arxitekturası tətbiq olunub.
 
Prosessorun növbəti ilin əvvəlinə hazır olacağı hesab edilir.
 
Emil Hüseynov

Baxış sayı: 630

© İstifadə edilərkən İctnews-a istinad olunmalıdır