TEXNOLOJİ YENİLİKLƏR

Tarix:28/08/14

Britaniya mağazalarında “ağıllı” manekenlər quraşdırılacaq

Britaniyanın bəzi pərakəndə mağazaları potensial alıcıların mobil qurğularına məhsul, xüsusi təklif, qiymət və aksiyalar haqda informasiya ötürə bilən "ağıllı" manekenlər quraşdırmağa başlayıblar.

“ICTnews" elektron xəbər xidməti “hitech.newsru.com” saytına istinadən bildirir ki, manekenləri mikroçiplə təchiz etmək ideyası “Iconeme” şirkətinə məxsusdur. “VMBeacon” elektron qurğuları bilavasitə manekenə quraşdırılır. Alıcının smartfon və ya planşeti ilə məlumat mübadiləsi “Bluetooth Low Energy’ simsiz rabitəsinin köməyi ilə həyata keçirilir. Smartfon və maneken arasında qarşılıqlı əlaqə xüsusi mobil tətbiq vasitəsilə həyata keçirilir.

Sözügedən tətbiq quraşdırılmış qurğunun sahibi "ağıllı" manekendən 50 metr məsafədə olduqda smartfon və ya planşetə müvafiq bildiriş gəlir. Bundan sonra istifadəçi pərakəndə mağaza tərəfindən təklif edilən məhsullara baxa bilər.

Emil Hüseynov

Baxış sayı: 754