12px13px15px17px
Tarix:29/09/14

“BlackBerry” 200 mindən çox “Passport” smartfonu satıb

Kanadanın “BlackBerry” şirkətinin nümayəndəsi bəyan edib ki, artıq ötən həftə satışa çıxarılmış qabaqcıl “BlackBerry Passport” smartfonunun  200 min nüsxəsini satıb. Hazırda sözügedən smartfon yalnız ABŞ-da və Kanadada satılır və qiyməti 600 dollar təşkil edir.
 
 
“BlackBerry”nin baş direktoru Con Çen bildirib ki, “Passport” smartfonu şirkətin saytında 6 saata və “Amazon.com” saytında 10 saata satılıb. Xatırladaq ki, “Passport” smartfonu ötən həftənin cümə axşamı satışa çıxarılıb. Kanada şirkəti öz yeni qurğusunu “iPhone 6” və “6 Plus” smartfonlarına cavab kimi qələmə verir. Müqayisə üçün, üç gün ərzində “Apple”ın yeni smartfonlarının satış həcmi 10 milyonu ötüb.
 
"ICTnews" elektron xəbər xidməti “cybersecurity.ru” saytına istinadən bildirir ki, “Passport” smartfonu  Con Çenin şirkətin baş direktoru vəzifəsinə gəlişindən bəri “BlackBerry”nin birinci yeni qurğusudur. Çen “BlackBerry”nin yeni baş direktoru vəzifəsinə 11 ay bundan əvvəl təyin edilib.
 
Emil Hüseynov



Baxış sayı: 1335

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024