TEXNOLOJİ YENİLİKLƏR

Tarix:30/09/14

“Apple”ın əsas tərəfdaşı ucuz elektrik avtomobillərinin istehsalı ilə məşğul olacaq

Ən böyük elektronika istehsalçısı və “Apple”ın əsas tərəfdaşı olan Çinin “Foxconn” şirkəti ucuz elektrik avtomobillərinin kütləvi buraxılışına hazırlaşır.

“Foxconn” şirkətinin direktoru Terri Qu deyib ki, elektrik avtomobillərinin istehsalı Şansi əyalətində yerləşən iki zavodun istehsal obyektlərinə həvalə ediləcək. Layihəyə artıq təxminən beş milyard yuan (təxminən 811 milyon dollar) sərmayə qoyulub.

"ICTnews" elektron xəbər xidməti “rg.ru” saytına istinadən bildirir ki, Terri Qu vəd verib ki, elektrik avtomobilinin qiyməti 15 min dolları ötməyəcək. Texniki xarakteristikaları hələ ki məlum deyil.

Qeyd edək, Çində elektrik avtomobillərinin hazırlanması ilə bir neçə kiçik şəxsi müəssisə məşğul olur. Çin hakimiyyəti 2020-ci ilədək vətəndaşlarının əksəriyyətini elektrik avtomobilinə əyləşdirmək niyyətindədir.

Emil Hüseynov

Baxış sayı: 1274