12px13px15px17px
Tarix:04/02/15

“Snooperscope” qurğusu planşet və ya smartfonu gecəgörmə cihazına çevirir

Britaniyanın “PSY Corporation” şirkəti smartfon və ya planşeti gecəgörmə cihazına çevirən “Snooperscope” adlı cihazın kütləvi buraxılışına başlayıb.

"ICTnews" elektron xəbər xidməti “hitech.newsru.ru” saytına istinadən bildirir ki, “Snooperscope” qurğusu uzunluğu 75 mm, diametri 42 mm olan silindrik formal kiçikölçülü qurğudur.

“Snooperscope” infraqırmızı diapazonda işləyərək qaranlıqda müxtəlif obyektləri görməyə, həmçinin onların fotoşəklini və ya video çəkməyə imkan verir. Cihazın hərəkət uzaqlığı təxminən 10 metr təşkil edir, 1150 milliamper/saat tutumlu daxili akkumulyatorun köməyi ilə enerji toplayır, təxminən 3-4 saat avtonom işləyir.

Cihazı maqnitin köməyi ilə smartfon və ya planşetin arxa panelinə bərkitmək olar: bu halda təsvir “Wi-Fi” vasitəsi ilə mobil qurğunun ekranında yayımlanacaq.

Emil Hüseynov



Baxış sayı: 580

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024