12px13px15px17px
Tarix:13/05/15

“Sony” 20,7 Mp kameraya malik “Xperia A4” smartfonunu təqdim edib

“Sony” şirkəti Yaponiya bazarında “Sony Xperia A4” (“SO-04G”) smartfonunu elan edib.

"ICTnews" elektron xəbər xidməti “dailycomm.ru” saytına istinadən bildirir ki, “Sony Xperia A4” modeli dördnüvəli “Qualcomm Snapdragon 801” prosessoru ilə təchiz edilib və “Android 5.0” mobil əməliyyat sistemi ilə idarə olunur. Əməli və daxili yaddaşın tutumu müvafiq olaraq 2 və 16 QB təşkil edir. 1280x720 piksel təsvir ölçülü 4,6 düymlük ekran “X-Reality” firma texnologiyası ilə yaradılıb.

Aparat iki kamera ilə təchiz edilib: 20,7 meqapiksellik matris və “4K” formatında videoçəkiliş funksiyasına malik əsas, “Full HD” formatında videoçarxlar çəkən 2,2 meqapiksellik ön kameralar.

Telefon aşağıdakı simsiz rabitə texnologiyalarını dəstəkləyir: “LTE”, “Wi-Fi 820.11 a/b/g/n/ac”, “Bluetooth 4.0”, “GPS/GLONASS”, “MHL” və “NFC”. Akkumulyator batareyasının tutumu 2600 milliamper/saat təşkil edir. Danışıq rejimində aparatın avtonom iş vaxtı 990 dəqiqə, gözləmə rejimində 620 saatdır.

Yaponiyada “Sony Xperia A4” qurğusunun satışına 2015-ci il iyunun ortalarında start veriləcək. Smartfonun satış qiyməti hələ ki məlum deyil.

Emil Hüseynov
 



Baxış sayı: 550

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






19 Mart 2024

18 03 2024