12px13px15px17px
Tarix:21/05/15

Qalınlığı 1 mm-dən az olan ilk televizor nümayiş etdirilib

“The Korea Times” portalı yazır ki, “LG” şirkəti orqanik işıq diodları (“OLED”) texnologiyası ilə hazırlanmış ekrana malik çox nazik 55 düymlük televizor prototipini nümayiş etdirib, cihazın qalınlığı 1 mm-dən azdır.

"ICTnews" elektron xəbər xidməti “dailycomm.ru” saytına istinadən bildirir ki, qurğu Seulda keçirilmiş sənaye sərgisində təqdim edilib. Televizorun çəkisi təxminən 2 kq-dır və maqnit altlığının köməyi ilə divara bərkidilir.
Nümayiş etdirilmiş modelin kütləvi istehsala çıxarılma tarixi açıqlanmayıb.

Orqanik işıq diodları texnologiyası ilə hazırlanmış ekranlar işıqlandırma tələb etmir. Onlar maye kristal ekranlarla müqayisədə daha nazik və yüngüldür, həmçinin daha kontrast və enerji effektivdir, ancaq qiyməti bahadır. İndi “LG” şirkətinin əlçatan olan 55 düymlük “OLED” televizorlarının qalınlığı 4,3 mm təşkil edir.
“LG” şirkəti aparıcı “OLED” ekran istehsalçısıdır. Bu sahədə əsas rəqibi “Samsung” şirkətidir.

Emil Hüseynov
 
 



Baxış sayı: 683

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






19 Mart 2024

18 03 2024