12px13px15px17px
Tarix:22/05/15

Yeməli və yeyilməyən materialların köməyi ilə çap edən universal yığcam “3D” printer yaradılıb

Britaniyanın “By Flow” şirkəti üçölçülü çap üçün unikal yığcam printerini təqdim edib. Cihaz müxtəlif materialların köməyi ilə obyektlər düzəldə bilir. Sazlama 20 saniyə vaxt alır, çap isə iki dəqiqə ərzində həyata keçirilir. Obyektlər yüksək keyfiyyəti ilə seçilir.
 
"ICTnews" elektron xəbər xidməti “hitech.newsru.com” saytına istinadən bildirir ki, printer yığılır, onun çəkisi az və çox möhkəmdir. Cihaz yalnız  ənənəvi plastik materiallar deyil, həm də ağac, tunc, biorezin, neylon, keramika, silikon kimi materiallarla yanaşı, yeyinti məhsullarını da çap edir.
Xüsusi çamadana yerləşdirilmiş “3D” printerin çəkisi 7 kq təşkil edir. Futlyar cihazı su, toz, zərbə və başqa mümkün zədələrdən qoruyacaq.
 
İstehsalçı “Kickstarter” pultoplama platformasının köməyi ilə layihəni maliyyələşdirə bilsə, “By Flow Focus” bu ilin dekabrına əlçatan olacaq.
 
Emil Hüseynov



Baxış sayı: 1271

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






19 Mart 2024

18 03 2024