Tarix:12/09/11

2012-ci ildə "Uçan çanta" satışa çıxacaq

Yeni Zellandiya şirkəti “Martin Aircraft” 2012-ci ildə “Martin Jetpack” fərdi uçuş aparatlarının satışlarına başlamaq niyyətindədir. “Ubergizmo” yazıb ki, "uçan çanta"nın qiyməti 100 min dollar olacaq.

Yeni Zellandiya şirkətinin banisi Qlen Martin tərəfindən ixtira edilmiş “Martin Jetpack” aparatı ilk dəfə 2008-ci ildə təqdim edilib.

“Martin Jetpack” aparatı insanı 2,5 kilometr hündürlüyə qaldıra bilər. “Martin Jetpack” aparatının maksimal uçuş müddəti 30 dəqiqə təşkil edir və aparat benzinlə işləyir.

25 ildən çox layihə üzərində işləmiş “Martin Aircraft” şirkətində belə hesab edirlər ki, uçan aparatları yalnız xüsusi şəxslər deyil, həm də xilasetmə xidmətləri alacaqlar. Bundan başqa, “Martin Aircraft”-da hesab edirlər ki, aparatla, həmçinin, hərbçilər də maraqlana bilərlər.

Baxış sayı: 2023

© İstifadə edilərkən İctnews-a istinad olunmalıdır