12px13px15px17px
Tarix:04/07/15

“Panasonic” şirkəti orta səviyyəli “P55 Novo” smartfonunu təqdim edib

Yaponiyanın “Panasonic” elektronika istehsalçısı orta səviyyəli “P55 Novo” smartfonunu təqdim edib.


"ICTnews" elektron xəbər xidməti “dailycomm.ru” saytına istinadən bildirir ki, “Panasonic P55 Novo” modeli 1,4 QHs takt tezlikli səkkiznüvəli prosessor, 1 QB əməli və 8 QB daxili yaddaş (“microSD” slotu quraşdırılıb) və iki kamera (üçqat “LED” işıqlandırıcı və 1920x1080 nöqtə təsvir ölçülü video çəkilişi funksiyasına malik 13 meqapiksellik əsas və 5 meqapiksellik ön) ilə təchiz edilib.

5,3 düymlük “IPS” ekranının təsvir ölçüsü 1280x720 piksel təşkil edir. “Wi-Fi 802.11b/g/n”, “Bluetooth 4.0”, “GPS” və “3G HSPA+” simsiz kommunikasiya vasitələri mövcuddur.

Qurğunun fiziki ölçüləri 147,9x73,8x8,15 mm-dir. Akkumulyator batareyasının tutumu 2500 milliamper/saat təşkil edir. Aparata “Android 4.4 KitKat” mobil əməliyyat sistemi quraşdırılıb. Smartfona “SİM” kart üçün iki slot və infraqırmızı port quraşdırılıb.

“Panasonic P55 Novo” modeli artıq 150 dollara satışa çıxarılıb. Yeni qurğu yalnız Hindistanda satılır.


Emil Hüseynov



Baxış sayı: 602

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024