PROQRAM TƏMİNATI

Tarix:06/07/15

Windows 7” əməliyyat sistemi ilə işləyən qurğuların sayı 1 milyardı ötüb

Məlum olub ki, “Windows 7” əməliyyat sistemi ilə işləyən qurğuların sayı 1 milyardı ötüb. Lakin yenə də iki il əvvəlki tarix təkrarlana bilər. Belə ki, o zaman “Microsoft” korporasiyası “Windows XP” əməliyyat sistemini bazardan çıxarmaq üçün sistemin yenilənməsindən imtina edib.

Qeyd edək ki, o zaman “XP” sistemi istifadəçilərinin əksəriyyəti “Microsoft”un ən yeni həllərinə keçməyərək “Windows 7” platformasından istifadə edib.

İndi “Windows 10” sisteminin buraxılması ərəfəsində Satya Nadellanın rəhbərlik etdiyi şirkət o haqda düşünür ki, pulsuz təkmilləşdirmə və başqa ideyalar istifadəçilərin “Windows 7”-dən “Windows 10” sisteminə keçməsinə imkan verəcəkmi?

"ICTnews" elektron xəbər xidməti “vestifinance.ru” saytına istinadən bildirir ki, “Microsoft”un rəsmi məlumatlarına əsasən, “Windows 7” digər ƏS-ni xeyli geridə qoyub. “Net Applications” tədqiqat şirkətinin məlumatları da bunu təsdiq edir.

Maraqlıdır ki, bazar payı baxımından “Windows 7” və 6 il əvvəlki “Windows XP”, demək olar, eyni səviyyədədir. O zaman “XP” sisteminin bazar payı 76,2 faiz idi, “Windows 7”-də isə bu göstərici 67,1 faiz təşkil edir. Bu halda " Windows 7" masaüstü platformasından tam imtina yalnız 2020-ci ildə planlaşdırılıb.

Emil Hüseynov

Baxış sayı: 657