TEXNOLOJİ YENİLİKLƏR

Tarix:28/08/15

Fransa şirkəti “QXGA” təsvir ölçülü və səkkiznüvəli planşetini təqdim edib

Fransanın "Archos" mobil qurğular istehsalçısı yeni "Diamond Tab" planşet kompüterini təqdim edib. Yeni qurğu 4-9 sentyabr tarixlərində Berlində keçiriləcək "IFA 2015" sərgisində nümayiş etdiriləcək eksponatlardan biri olacaq.

Yeni cihaz 2048 x 1536 piksel ("QXGA") təsvir ölçülü 7,9 düymlük ekran, 1,7 QHs takt tezlikli 8 hesablama nüvəsinə malik 64 bitlik "MediaTek MT8752" prosessoru, "MaliT760-MP2" qrafik sürətləndiricisi ilə təchiz edilib. Əməli və daxili yaddaşın həcmi müvafiq olaraq 3 və 32 QB təşkil edir. Çıxarılıb taxılan "MicroSD" daşıyıcıları üçün slot quraşdırılıb.

Qurğunun əsas kamerasının təsvir ölçüsü 5 meqapiksel, ön kamerada isə 2 meqapiksel təşkil edir. "4G LTE", "3G HSPA+" (planşetdən mobil şəbəkələrdə zəng etmək mümkündür), "Wi-Fi 802.11 a/b/g/n", "Bluetooth 4.0" və "GPS" simsiz kommunikasiya dəstəyi var.

Qurğunun fiziki ölçüləri 202 x 134 x 7,8 mm, çəkisi 360 qram təşkil edir. Aparatın akkumulyator batareyasının tutumu 4800 milliamper/saatdır. Qurğu "Android 5.1 Lollipop" mobil əməliyyat sistemi ilə işləyir.

2015-ci ilin oktyabrında satışa çıxarılacaq "Archos Diamond Tab" modelinin dəyəri təxminən 275 dollar təşkil edəcək.

Emil Hüseynov

Baxış sayı: 1090