Tarix:19/05/16

Britaniya alimləri “Rubik kubiki”nə oxşar modullu ekran yaradıblar

Böyük Britaniyanın Bristol Universitetinin tədqiqatçılar qrupu formasını dəyişən sensor ekran prototipi təqdim edib.

“ICTnews” Elektron Xəbər Xidməti “3DNews” resursuna istinadən yazır ki, “Cubimorph” adlanan qurğu tərəfləri miniatür sensor ekran olan kubik modullarından ibarət zəncirdir. Modullar bir-birinə nisbətdə bütün istiqamətlərdə dönə və yerini dəyişə bilirlər ki, bu da qurğuya, demək olar, istənilən formanı, o cümlədən smartfon və ya oyun kontrolleri formasını almağa imkan verir.   

Hazırda ilkin prototip mərhələsində olan qurğunun təkmilləşdirilmiş versiyasının təqdimatı bu həftə Stokholmda keçirilən robot texnikası üzrə beynəlxalq konfransda olacaq.

Nizam Nuriyev

Baxış sayı: 709

© İstifadə edilərkən İctnews-a istinad olunmalıdır