12px13px15px17px
Tarix:26/07/16

Protezlərin hazırlanmasında titanı əvəz edəcək möhkəm ərinti yaradılıb

ABŞ-ın Rays Universitetinin tədqiqatçılar qrupu protezlərin yaradılması sahəsində geniş tətbiq edilə biləcək möhkəmliyi ilə seçilən yeni ərinti icad edib.

“ICTnews” Elektron Xəbər Xidməti “NEWSru” resursuna istinadən yazır ki, yeni material yüksək temperaturda (Ti3Au) qızıl və titanın 3:1 nisbətində yaradılan ərintidir. Ərinti möhkəmliyinə görə adi titanı dörd dəfə üstələyir. Alimlər onu almaz örtüklü həvəngdəstə və dişicik vasitəsilə xırdalaya bilməyiblər. Bundan başqa, ərinti canlı hüceyrələr üçün zərərsizdir.

Alimlərin sözlərinə görə, yeni materialın bütün potensialı hələ tam müəyyənləşdirilməyib, lakin onun müxtəlif protezlərin yaradılması sahəsində titanı əvəzləməsi üçün cəlbedici olması şübhə doğurmur. Belə ki, müasir titandan hazırlanmış diz və bud-çanaq oynaq protezləri köhnəlir və 10 ildə bir dəfə dəyişməni tələb edir. Qızıl və titan ərintisindən istifadə protezlərin əvəz edilməsindən tam imtinaya imkan verməsə də, onların istismar müddətini xeyli artıra bilər.
 
Tədqiqatçılar qeyd edirlər ki, onların ərsəyə gətirdiyi materialın istehsalı nisbətən sadədir və prinsipcə, yeni deyil, lakin əvvəllər heç kim onun gözəl xüsusiyyətlərinə diqqət yetirməyib.

Professor Emiliya Morosan bildirib ki, ərintinin tətbiq edilə biləcəyi daha bir sahə qazma sənayesidir. Həmçinin material müxtəlif idman mallarının istehsalında potensial tətbiqi imkanlara malikdir.

Nizam Nuriyev 




Baxış sayı: 441

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






26 May 2020

25 05 2020