12px13px15px17px
Tarix:02/09/16

Yeni “ağıllı” qurğu işıqlandırma cihazlarını idarə edəcək

"Philips" şirkəti simsiz "Wi-Fi" şəbəkəsi vasitəsilə ayrı-ayrı çoxsaylı işıqlandırma cihazlarını idarə edəcək yeni "ağıllı" qurğu nümayiş etdirib.

"ICTnews" Elektron Xəbər Xidməti "Naked Science" resursuna istinadən yazır ki, yeni məhsul "Hue Motion Sensor" adlanır və şirkətin əvvəllər hazırladığı "Hue" lampalarının idarə edilməsinə xidmət edir. Kiçikölçülü düzbucaqlı cihaz batareya ilə işləyir ki, bu da lazımsız simlərə ehtiyacı aradan qaldırır. Qurğunu evin istənilən yerində vint və ya maqnit tutqac vasitəsilə quraşdırdıqdan sonra ötürücü "Wi-Fi" modulun köməyi ilə "Hue" seriyalı bütün işıqlandırma cihazlarına qoşula biləcək.

Mütəxəssislərin sözlərinə görə, enerjini iki AAA batareyasından alan ötürücü 2-3 il işləyəcək. Passiv infraqırmızı işıq sayəsində qurğu 5 metr məsafəyədək hərəkəti qeydə ala biləcək. Bu diapazonu sazlamaq da olar.

Xüsusi "Philips Hue" əlavəsi vasitəsilə cihazı müxtəlif işıqlandırma rejimlərinə və hərəkətlərə reaksiya üsullarına uyğun quraşdırmaq mümkün olacaq. Cihaz günün vaxtını müəyyənləşdirə bilir ki, bu da onu müvafiq işıqlandırma səviyyəsinə uyğun sazlamağa imkan verir.

Bir "Hue Motion Sensor" cihazına eyni anda 50-dək işıq və digər aksessuar qoşmaq olar. Həmçinin əlavə ayrı-ayrı işıqlandırma cihazlarının hamısı üçün müxtəlif işıqlanmanı sazlamağa imkan verir.  

"Philips" nümayəndələrinin sözlərinə görə, vaxtın və işıqlandırma səviyyəsinin müəyyənləşdirilməsi funksiyası sayəsində yeni qurğunun köməyi ilə elektrik enerjisinə xeyli qənaət etmək mümkündür.
Oktyabrda satışa çıxarılacaq yeni qurğunun qiyməti 40 dollar təşkil edəcək. 

Nizam Nuriyev 




Baxış sayı: 262

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






24 Fevral 2020

24/02/20
Robot ilk dəfə mikrocərrahiyyə əməliyyatı keçirib

Niderlandlı alimlər tərəfindən təqdim edilmiş robot ilk dəfə uğurlu mikrocərrahiyyə əməliyyatı keçirib

24/02/20
Ştutqart Aeroportunda ekzoskeletlər yükdaşıyanlara kömək edəcək (VİDEO)

Almaniyanın Ştutqart Aeroportunda xüsusi ekzoskeletlər yükdaşıyanların istifadəsinə verilib.

24/02/20
Avropa İttifaqında süni intellekt sahəsinin tənzimlənməsi üzrə plan hazırlanıb

Avropa Komissiyası süni intellekt sənayesi üçün tənzimləyici norma və tələblərin yaradılması üzrə plan tə

24/02/20
Ən sürətli internet hansı ölkədədir?

“WebsiteToolTester” şirkəti hesabat dərc edərək ən sürətli internetin olduğu dünya ölkələrinin siyahısını

23 02 2020