12px13px15px17px
Tarix:17/10/16

Azərbaycanın rabitə və yüksək texnologiyalar naziri İranda səfərdədir

İran İslam Respublikasında səfərdə olan Azərbaycan Respublikasının rabitə və yüksək texnologiyalar naziri Ramin Quluzadə oktyabrın 17-də bu ölkənin rabitə və informasiya texnologiyaları naziri Mahmud Vaezi ilə görüşüb.

 

Nazir iranlı həmkarı ilə keçirdiyi görüşləri xatırladaraq bildirdi ki, hər iki ölkənin müvafiq qurumları arasında kifayət qədər yüksək səviyyəli əlaqələr yaranıb. Qurumlar arasındakı yaxın əməkdaşlıq əlaqələri dövlətlərimiz arasındakı münasibətlərin inkişafının göstəricisidir. Nazirliyin fəaliyyəti və iş prinsipləri haqqında məlumat verən R. Quluzadə qeyd etdi ki, Azərbaycan poçt üzrə tranzit ölkəsi olmaq niyyətindədir. Artıq Rusiyanın müvafiq qurumları ilə razılıq əldə edilib. İranın da bu layihəyə qoşulması tərəflər üçün faydalı olar. Poçtdaşımalarının Azərbaycan üzərindən həyata keçirilməsi vaxt itkisinin qarşısını almaqla yanaşı, pul vəsaitinin də qənaət edilməsinə səbəb olacaq.

 

R. Quluzadə Azərbaycanda fəaliyyət göstərən Yüksək Texnologiyalar Parkı barədə məlumat verdi.







 İranın rabitə və informasiya texnologiyaları naziri, İran-Azərbaycan hökumətlərarası müştərək iqtisadi komissiyanın həmsədri M. Vaezi dəvəti qəbul etdiyinə görə təşəkkür edərək bildirdi ki, Azərbaycan ilə İran arasındakı əlaqələrin bundan sonra daha da inkişaf etməsi üçün heç bir problem yoxdur.





 



M. Vaezi görüşdə irəli sürülən təklifləri yüksək qiymətləndirərək həyata keçirilməsi üçün real addımların atılacağını nəzərə çatdırdı.

 

Görüşdə müştərək markaların çapı, təbliği və satışının təşkili, kibertəhlükəsizlik və sərhədyanı rayonlarda radiodalğaların tənzimlənməsi, eləcə də beynəlxalq trafikin qiymətinin azaldılması məsələləri müzakirə edildi.







Görüşdə qarşılıqlı maraq doğuran digər məsələlər ətrafında da fikir mübadiləsi aparıldı.

 

Sonda nazirlər mətbuat nümayəndələrinin suallarını cavablandırdılar.

 

Görüşdə Azərbaycanın İrandakı səfiri Bünyad Hüseynov da iştirak edib.

 

Həmin gün Ramin Quluzadə İranın Milli Poçtunda olaraq qurumun fəaliyyəti və iş prinsipi ilə tanış oldu. İran Milli Poçtunun Baş direktoru Hüseyn Mehri ilə görüş zamanı iki ölkənin poçt təşkilatlarının qarşılıqlı əməkdaşlığının perspektivləri müzakirə edildi.





Baxış sayı: 1212

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






13 İyul 2020

13/07/20
“Lenovo Yoga X” qurğusu “Android” planşet və portativ monitor funksiyalarını birləşdirəcək

“@Evleaks” təxəllüsü ilə tanınan amerikalı bloger Evan Blass Çinin “Lenovo” şirkətinin

13/07/20
İkinci rübdə istifadəçilər mobil proqramlarda aylıq 200 milyard saatdan çox vaxt keçiriblər

Koronavirus pandemiyası milyonlarla istifadəçinin həyatına ciddi təsir göstərib. Koronavirusa görə tətbiq

13/07/20
“Xiaomi” oyun konsolu formasında ucuz telefon təqdim edib

“Xiaomi” şirkətinin cihazlar çeşidinə qeyri-adi form-faktorda hazırlanmış orijinal yenilik daxil edilib.

13/07/20
On dörd düym ekranlı “Apple” noutbuku buraxılacaq

“Apple” şirkəti növbəti ildə “MacBook Pro” seriyalı noutbukların istehsalını bərpa edərək 14 və 16 düym d

13/07/20
Niderlandda tullantılardan ibarət körpü “3D” printerdə çap ediləcək

Niderlandın Rotterdam şəhərinin hakimiyyəti “3D” printerdə tullantılardan hazırlanan çap edilmiş yeni kör

13/07/20
“Apple” rəhbəri İT sənayesində ən yüksək əməkhaqqı alan icraçı direktordur

“Apple” şirkətinin rəhbəri Tim Kuk hazırda informasiya texnologiyaları sahəsində ən yüksək əməkhaqqı alan

12 07 2020