TEXNOLOJİ YENİLİKLƏR

Tarix:15/11/16

Arxitekturasında yarımkeçirici materiallardan istifadə edilməyən ilk qurğu yaradılıb

Hazırda mövcud olan elektron qurğular müxtəlif yarımkeçirici materiallar əsasında yaradılıb və gec-tez bu qurğuların gücünü artırmaq mümkün olmayacaq. Alimlər elektron cihazların yaradılması üçün alternativ həllin hazırlanması haqda çoxdan düşünürlər və bu yaxınlarda Kaliforniya Universitetindən olan alimlər qrupu tərəfindən yaradılmış mikroçipin arxitekturasında yarımkeçirici materiallardan istifadə edilməyib.

"ICTnews" Elektron Xəbər Xidməti "hi-news.ru" saytına istinadən yazır ki, alimlər öz işləməsində yarımkeçiriciləri sərbəst elektronlarla əvəz ediblər. Texnologiyanın əsasını xüsusi qızıl meta səthiliyə malik sərbəst elektronlar buraxan qurğu təşkil edir. Bu meta səthilik "göbələk" formasında əvəzlənən qızıl zolaqlardan ibarətdir. Konstruksiya silisium dioksidlə örtülmüş platformada yerləşir.

Bu konstruksiyaya 10 voltluq gərginlik və infraqırmızı lazer işığı dəstəsi verildikdə meta səthilikdə yüksəkgərginlikli sahələr yaranır. Beləliklə, təsir nəticəsində elektronlar öz məkanlarını tərk etməyə başlayırlar ki, bu da elektrik keçiriciliyinin artımına səbəb olur.

Kaliforniya alimləri tərəfindən yaradılmış qurğu mikroelektronika sahəsində yeni səhifə aça bilər, belə ki, müxtəlif tipli meta səthilik üzərində təcrübə aparmaqla bütün mövcud yarımkeçirici struktur analoqların yaradılması mümkündür.

Emil Hüseynov

Baxış sayı: 1349