Tarix:30/09/11

“Samsung” şirkəti yeni nəsil “Exynos” prosessorunu təqdim edir

“Samsung” şirkəti portativ qurğularda istifadə üçün nəzərdə tutulmuş “Exynos 4212” prosessorunun istehsalı barədə məlumat verib.

“Exynos 4212” tərkibinə 1.5 QHz takt tezlikli 2 “Cortex-A9” hesablama nüvəsi və qrafik kontroller daxildir.

1080p formatında yüksək dəqiqlikli videonun kodlaşdırma/dekodlaşdırılması əməliyyatlarının icra edilməsinin sürətləndirilməsi üçün aparat vasitələri var; “HDMİ 1.4” interfeysi dəstəklənir.

“Samsung” şirkəti iddia edir ki, 32 nanometr texnologiya ilə hazırlanacaq prosessor əvvəlki nəsil, 45 nanometr texnologiya ilə hazırlanan məmulatlar ilə müqayisədə məhsuldarlığın 25% artımını və enerji istehlakının 30% azalmasını təmin edir.

“Exynos 4212” prosessorlarının tədarükləri dördüncü rübdə başlanacaq. Yeni prosessorun güclü smartfon və planşet kompyuterlərdə tətbiq olunacağı gözlənilir.

Baxış sayı: 1637

© İstifadə edilərkən İctnews-a istinad olunmalıdır