Tarix:01/10/11

“Swatch” saatları sensor ekrana malik olacaq

İsveçrənin “The Swatch Group” şirkəti “Swatch” markasının sensor ekranla olan ilk qola taxılan elektron saatını təqdim edib, “T3.com” saytı bildirib ki, saat “Swatch Touch” adlanacaq və oktyabr ayında satışa çıxarılacaq. Britaniyada onların qiyməti 100 funt-sterlinq təşkil edəcək.

“Swatch Touch” fiziki düymələrə malik deyil. Saatın bütün funksiyalarından - saniyəölçən, zəngli saat, tarix, taymerdən istifadə yalnız sensor maye kristal ekran vasitəsi ilə həyata keçirilir. Saat vaxtı eyni anda 2 saat qurşağında göstərə bilir.

Saatlar göy, mavi, çəhrayı, ağ, qara və kamuflyaj rənglərdə olan korpusda çıxarılacaqlar.

Məlumat üçün qeyd edək ki, “The Swatch Group” dünyanın ən böyük saat istehsalçısıdır. “Breguet”, “Omega”, “Rado”, “Swatch”, “Tissot” və digər brendlər ona aiddir.

Baxış sayı: 3075

© İstifadə edilərkən İctnews-a istinad olunmalıdır