12px13px15px17px
Tarix:11/11/17

“Galaxy S9” smartfonu üçün prosessor təqdim olunub

“Samsung” şirkəti mobil qurğular üçün qabaqcıl “Exynos 9810” prosessorunu rəsmən nümayiş etdirib.
 
“ICTnews” Elektron Xəbər Xidməti “4PDA” resursuna istinadən yazır ki, “Galaxy S8” və “Galaxy Note8” smartfonlarında istifadə edilən “Exynos 8895” çipini əvəz edəcək yeni prosessorun Cənubi Koreya istehsalçısının 2018-ci ildə buraxılacaq “Galaxy S9” və “Galaxy Note9” modellərində quraşdırılacağı gözlənilir. “Qualcomm” şirkətinin “Snapdragon 845” prosessoru kimi, yeni çipset ikinci nəsil 10 nanometrlik texnoloji proses üzrə hazırlanacaq.
 
“Exynos 9810” çipi barədə ətraflı məlumat hələ ki verilmir. Şirkət nümayəndələrinin sözlərinə görə, prosessorda üçüncü nəsil “custom” nüvələri, yenilənmiş qrafik sürətləndirici, məlumatları 1,2 Qbit/saniyəyədək sürətlə ötürmə imkanına malik və bazarda ilk dəfə olaraq “6CA” texnologiyasını dəstəkləyən “LTE” modemindən istifadə olunub.
 
Qeyd edək ki, indiyədək “Samsung”, həmçinin “Galaxy S9” smartfonunun təchiz ediləcəyi iki mobil kamera modulu təqdim edib.

Nizam Nuriyev 




Baxış sayı: 527

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024