12px13px15px17px
Tarix:23/11/17

Yeni “Google” əməliyyat sistemi “Apple” proqramlaşdırma dilini dəstəkləyəcək

Ötən həftə “Google” şirkəti 2014-cü ildə “Apple” korporasiyasının təqdim etdiyi və “iOS/macOS/tvOS/watchOS” sisteminə uyğun proqram təminatının yazılması üçün istifadə edilən “Swift” proqramlaşdırma dilinin kod bazasının genişləndirilməsini həyata keçirib. Bunun “Google” əlavələrinin “Apple” qurğularına adaptasiyası üçün lazım olmasının hesab edilməsinə baxmayaraq gözlənilmədən “Android Police” resursunun əməkdaşları “GitHub” kodunu təhlil etdikdən sonra axtarış nəhənginin “Swift” proqramlaşdırma dilinin “Fuchsia OS” əməliyyat sisteminə əlavə olunması ilə məşğul olmasını müəyyənləşdiriblər.
 
“ICTnews” Elektron Xəbər Xidməti “4PDA” resursuna istinadən yazır ki, məlumdur ki, “Fuchsia” sistemi “Google” şirkətinin “Dart” adlı proqramlaşdırma dilində yazılıb. O, əvvəlcədən “iOS” və “Android” sistemlərinə uyğun krossplatforma əlavələri üçün yaradılıb. Bundan başqa, “Fuchsia” əvvəllər “C++” və “Go” proqramlaşdırma dillərini dəstəkləsə də, indi siyahıya “Swift” əlavə olunub.  
 
Bildirilir ki, bunların hansı məqsədlər üçün lazım olması barədə hələ ki məlumat verilmir. Bir sıra mütəxəssislər hesab edir ki, “Google” şirkəti əlavələrin “iOS” və digər əməliyyat sistemlərindən “Fuchsia” sisteminə köçürülməsini maksimum sadələşdirmək niyyətindədir.

Nizam Nuriyev
 





Baxış sayı: 33

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






24 Sentyabr 2018

23 09 2018