12px13px15px17px
Tarix:08/01/18

Yeni “Samsung Exynos 9810” prosessoru qurğuların məhsuldarlığını artıracaq

"Samsung" şirkəti yeni "Exynos 9810" prosessorunu təqdim edib.

"ICTnews" Elektron Xəbər Xidməti "Popmech www.popmech.ru" resursuna istinadən yazır ki, prosessor qurğuya sifəti tanımağa imkan verəcək süni intellekt texnologiyası ilə təchiz edilib. Beləliklə, Cənubi Koreya şirkətinin gələcək qurğularda "Apple" şirkətinin "Face ID" funksiyasının bənzərindən istifadə edəcəyi ehtimal olunur.

Məlumata görə, "Exynos 9810" ikinci nəsil 10 nanometrlik "FinFET" texnoloji proses əsasında yaradılıb. Çip 2,9 QHs takt tezliyində işləyən dörd yüksək məhsuldarlıqlı prosessor nüvəsi, eləcə də 1,9 QHs takt tezliyində işləyən dörd enerji səmərəli nüvəyə malikdir. Çip, həmçinin "Mali-G72 MP18" qrafik sürətləndiricisi ilə təchiz olunub. Şirkət nümayəndələrinin sözlərinə görə, qrafik prosessor (GPU) əvvəlki modellə müqayisədə qrafik məhsuldarlığı 20 faiz çox təmin edir. Bildirilir ki, "Exynos 9810" saniyədə 120 kadr tezlikli "4K" təsvir ölçülü videonun yazılma və göstərilməsini dəstəkləyir.

"Samsung" təmsilçiləri bildirib ki, yaxşılaşdırılmış arxitektura və yaddaş tutumunun artırılması sayəsində yeni prosessor əvvəlki modelə nisbətdə "birnüvəli" rejimdə iki dəfə, "çoxnüvəli" rejimdə isə təxminən 40 faiz sürətli işləyir.

"Exynos 9810", həmçinin 6 tezlik daşıyıcısını dəstəkləyən və məlumatları 1,2 Qbit/saniyə sürətində ötürən "LTE Cat.18" modemi ilə təchiz edilib.

Qeyd olunur ki, artıq prosessorun kütləvi istehsalına başlanılıb. Şirkət bunu rəsmən təsdiq etməsə də, gələcək qabaqcıl "Galaxy S9" və "S9+" smartfon modellərinin yeni çiplə təchiz ediləcəyi gözlənilir.

Nizam Nuriyev 




Baxış sayı: 219

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






20 Yanvar 2019

19 01 2019

19/01/19
“Microsoft” korporasiyası “Windows 10 Mobile” sisteminin dəstəyini dayandırır

“Microsoft” korporasiyası 10 dekabr 2019-cu ildən sonra “Windows 10 Mobile” sisteminin idarəetməsi altında işləyən smartfonlar

19/01/19
İnternetdə məlumat itkisindən necə qorunmaq olar?

“ESET Russia”nın mütəxəssisi Andrey Yermilov istifadəçilərə öz şəxsi hesablarını qorumaq üçün tövsi

19/01/19
“Apple Watch” saatı insult diaqnozunu qoya biləcək

“Apple” korporasiyası tibb sahəsində ekspertlərlə birgə öz “ağıllı” saatına insult