TEXNOLOJİ YENİLİKLƏR

Tarix:12/02/18

Obyektləri yaxınlaşdıran “4D” eynək yaradılıb

Kaliforniya Universitetinin tərtibatçıları film obyektlərinə baxış zamanı tamaşaçıya toxunmağa imkan verəcək dördölçülü eynək yaradıblar. İştirakın effektini gücləndirmək üçün eynək istifadəçiyə “toxunmağa” başlayaraq baxış zamanı, məsələn, ekranda tamaşaçıya tərəf hərəkət edən obyekt görünəndə əlavə hisslər yaradacaq.

“ICTnews” Elektron Xəbər Xidməti “Hi-News” resursuna istinadən yazır ki, texnologiyanın hazırlanmasında iştirak edən neyrobioloqlar beyinin görmə və toxunuşa reaksiya qabiliyyətinə cavabdeh müxtəlif nahiyələrinin öyrənilməsi ilə məşğul olublar. Beyinin “aldadılması” üçün yaradılan eynək alimlərə beyinin fəaliyyət mexanizmlərinin tədqiqi üzərində aparılan işdə kömək edəcək. Bununla belə tərtibatçılar hesab edir ki, eynəkdən adi vəziyyətlərdə də istifadə mümkündür. Bu səbəbdən onlar əmindir ki, eynək filmlərin seyrini, əlavə və virtual reallıq oyunlarını və digər əyləncələri tamamlayacaq.

Məlumata görə, obyekt tamaşaçıya “yaxınlaşmağa” başlayan zaman o, qarnitura quraşdırılan kiçik generatorlar tərəfindən yaradılan hava axınını hiss edir. Lakin mexanizmi müəyyən edilmiş vaxtda işə salmaq mümkündür – ideal iştirak effektinə 800-1000 milli-saniyə arasında nail olunur.

Nizam Nuriyev

Baxış sayı: 692