12px13px15px17px
Tarix:15/02/18

Süni intellekt alqoritmli ilk prosessorlar yaradılıb

Britaniyanın “ARM” şirkəti mobil telefon və smartfonlarda istifadə üçün nəzərdə tutulan süni intellekt alqoritmli ilk prosessorlar yaradıb. Yeni çiplərin kütləvi istehsalına 2019-cu ilin əvvəlində başlamaq nəzərdə tutulur.

“ICTnews” Elektron Xəbər Xidməti “Popmech” resursuna istinadən yazır ki, hazırda kompüter təlimindən istifadə edən əksər daşınan qurğuların süni intellekt alqoritmlərinin işə salınması üçün gücünün çatmaması səbəbindən onlar “bulud” serverlərinin köməyindən yararlanır. Lakin avtonom işləyən süni intellekt alqoritmləri ilə bağlı ideya cəlbedici görünür. Onlar smartfonların məhsuldarlığını artıra, məlumatların göndərilməsi zamanı yaranan yubanmanı zəiflədə bilər. Həmçinin avtonom işləyən süni intellekt alqoritmləri smartfona oflayn işləməyə imkan verməklə bütün informasiyanın “bulud” serverində deyil, qurğuda saxlanılmasına şərait yaradacaq.   

“ARM” şirkətinin kompüter təlimi qrupunun rəhbəri Cem Devis bildirib ki, bu məsələnin tədqiqi üçün çoxlu vaxt sərf edilib. “Biz kompüterlərin yükünü təhlil edərək hansı hissələrin daha çox vaxt və güc sərf etməsini müəyyənləşdirdik, eləcə də mövcud prosessorların mümkün yaxşılaşdırılmasını nəzərdən keçirdik. Yeni çiplər əvvəlkilərlə müqayisədə daha az enerji sərf edir, eləcə də onlar məlumatları yaddaşa daha yaxşı daxil edir və götürür”, - o qeyd edib.

Süni intellekt alqoritmləri ilə gücləndirilən yeni smartfonların bu il yaradılacağı planlaşdırılır.

Nizam Nuriyev 




Baxış sayı: 43

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






24 Sentyabr 2018

23 09 2018