12px13px15px17px
Tarix:20/02/18

Hava vasitəsilə enerji toplayan batareya yaradılıb

Massaçusets Texnologiya İnstitutunda çalışan alimlərin ixtirası akkumulyator və kənar enerji mənbələrindən istifadəyə son qoya bilər.
 
"ICTnews" Elektron Xəbər Xidməti "igate.com.ua" saytına istinadən yazır ki, MIT komandası tərəfindən yaradılmış qurğu gecə-gündüz dəyişikliyi vaxtı temperatur tərəddüdündən istifadə edərək enerji hasil edir. İstilik rezonatoru kimi tanınan qurğu yüksək istilikkeçirmə xassəsi və güc təmin edən materialların birləşməsindən istifadə edir. Qurğunun özəyindəki mis və ya nikel köpüyü onun keçiricilik qabiliyyətini yüksəltmək üçün qrafen qatla örtülüb və anbar rolunu oynayan oktadekan maddəsi ilə doldurulub. Faktiki olaraq qurğunun bir tərəfi həmişə isti olur, digər tərəfi isə istiliyi saxlayır: yalnız ənənəvi metodla bu enerjini toplamaq qalır.
 
Qurğunun ilk nümunəsi yalnız 1,3 millivatlıq enerji hasil edib. Ancaq bu, kiçik datçik və ya rabitə sistemləri üçün kifayətdir.
 
Alimlər sözügedən qurğunun çıxış gücünü artırdıqları halda yenilik bir çox sahələrdə tətbiq edilə bilər.
 
Emil Hüseynov





Baxış sayı: 476

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024