Tarix:20/10/11

20 nanometrlik çiplər istehsal ediləcək

Britaniyanın “ARM” şirkəti və Tayvanın “TSMC” müqavilə istehsalçısı “Cortex-A15” ailəsinin 20 nanometr texnologiya ilə hazırlanan prosessorlarının test istehsalının hazırlığı üzrə işləri bitiriblər.

“Cortex-A15 Mpcore” arxitekturası 1-dən 16-ya qədər nüvəyə malik olacaq. Takt tezliyi 1 – 2.5 QHz arasında dəyişilə bilər. Yeni nəsil prosessorları 1 QHz takt tezlikli “Cortex-A8” çipləri ilə müqayisədə məhsuldarlığın 5 qat artımını təmin edəcəklər.

Yaxın aylar ərzində 20 nanometr texnologiya ilə hazırlanan “Cortex-A15” çipləri hərtərəfli yoxlamaya məruz qalacaq. Kütləvi çıxarılış, ehtimal ki, 2012-ci ildə baş tutacaq.

İstehsalçılar əvvəlcə 2 nüvəli “Cortex-A15” çipləri ilə olan smartfon və planşetlər təklif edəcəklər. Sonra 4 nüvəli çiplər istifadə olunacaq. Yeni nəsil prosessorlarının yalnız mobil qurğularda deyil, həm də server, həmçinin şəbəkə avadanlığında tətbiq olunacağı güman edilir.

Baxış sayı: 1364

© İstifadə edilərkən İctnews-a istinad olunmalıdır