Tarix:02/04/18

Yanğın haqda xəbərdarlıq edən divar kağızları yaradılıb

Yanğın əleyhinə divar kağızları xüsusi elektrik keçiriciliyinə malik materialdan yaradılıb. Belə materialın parçasına qurulmuş qrafendən hazırlanmış sensor səsli siqnalizasiyanı işə salır.
 
“ICTnews” Elektron Xəbər Xidməti “hi-tech.mail.ru” resursuna istinadən yazır ki, Şanxay Keramika İnstitutunun alimləri material qismində hidroksiapatitdən istifadə ediblər. Bu maddə sümük və dişlərin əsas komponentini təşkil edir. Hidroksiapatit kifayət qədər kövrək və bərk maddədir, amma alimlər bu materialdan divar kağızlarının yaradılması üçün kifayət qədər elastik olan çox uzun nanoborular düzəltməyə müvəffəq olublar.
 
"Bizim divar kağızlarımız möhkəm və elastikdirlər, onları istənilən kimi  boyamaq mümkündür, bu halda onlar oda, istiliyə davamlıdırlar və təhlükə haqda xəbərdarlıq edirlər" – “phys.org”a müsahibəsində tədqiqat qrupunun rəhbəri Yin Çje Çju deyib. "Biz, həmçinin materialın başqa sahələrdə tətbiqi üzərində də işləyirik".
 
Emil Hüseynov

Baxış sayı: 607

© İstifadə edilərkən İctnews-a istinad olunmalıdır