TEXNOLOJİ YENİLİKLƏR

Tarix:17/07/18

Növbəti nəsil sürətli enerjidoldurma texnologiyası hazırlanır

Hazırda smartfon istehsalçılarının əksəriyyəti sürətli enerjidoldurma texnologiyası hazırlamaqla məşğuldurlar.

Artıq bir neçə belə texnologiya ("Qualcomm Quick Charge", "OnePlus Dash Charge" və sairə) mövcuddur. "Huawei" şirkəti "Super Charge" adlı növbəti nəsil sürətli enerjidoldurma texnologiyası üzərində işləyir.

"ICTnews" Elektron Xəbər Xidməti "ilenta.com" saytına istinadən yazır ki, məlumata görə, "Huawei" şirkətinin "HW-100400C00" nömrəli yeni enerjidoldurma adapteri "3C" sertifikatına layiq görülüb. Yeni adapterin maksimum şarj gücü 40 Vatt təşkil edəcək.

Bundan əvvəl Çin şirkəti tərəfindən təqdim edilmiş 5V/8A spesifikasiyasını dəstəkləyən "Honor Magic" texnologiyası istifadəçilərə telefonu 45 dəqiqə müddətində enerji ilə doldurmağa imkan verirdi. "Huawei" şirkətinin növbəti nəsil "Super Charge 40W" texnologiyası smartfonu 30 dəqiqə müddətində 90%-dək enerji ilə dolduracaq.

Müqayisə üçün, "Qualcomm Quick Charge 3.0" texnologiyası smartfonu 30 dəqiqə müddətində 50%-dək enerji ilə doldurur. "OnePlus Dash" texnologiyası isə 30 dəqiqə müddətində 60%-dək doldura bilər.

Emil Hüseynov

Baxış sayı: 1146