Tarix:25/07/18

Bütün mobil qurğular üçün universal USB kabel təqdim olunub

Çinin “Xiaomi” şirkəti tərəfindən təqdim edilmiş USB kabel mobil bazarda olan bütün smartfon və planşetlər üçün uyğun gəlir.
 
“ICTnews” Elektron Xəbər Xidməti “ilenta.com” saytına istinadən yazır ki, “Xiaomi” şirkətinin istehsalı olan universal kabelin bir tərəfi “Micro-USB”, “USB-C” və “Lightning” konnektorlarına malikdir, digər tərəfi isə USB-dir. Aksessuar “Android” sisteminin idarəetməsi altında işləyən cihazların bir çoxunu və “iPhone 5”-dən başlayaraq “iPhone” smartfonlarını enerji ilə doldura bilər.
 
Kabelin uzunluğu 1 metr təşkil edir. Bu kabellə “Apple” şirkətinin istehsalı olan smartfonları enerji ilə doldurmaq mümkündür, çünki “Xiaomi”nin universal USB kabeli “Apple MFi” sertifikatını alıb.
 
Kabelin qiyməti 9 dollardır.
 
Emil Hüseynov

Baxış sayı: 1179

© İstifadə edilərkən İctnews-a istinad olunmalıdır